Thursday, August 17, 2006

An Kabanggihan lihis na alagad yaon pa






Halaton an artikulo dapit sa Kabanggihan sa mga peryodiko nasyonal.

Nagin matrayumpo asin maogma an pagtiripon kan mga Bikolanong promotor kan sadiring literatura asin kultura sa nakaaging Kabanggihan: rawit-dawit, awit, orolay-olay, asin iba pa. Napano an Conspiracy Garden Café sa Visayas Avenue, QC, kan kalag kan Kabikolan. Salamat sa mga nag-arabot: sinda Christine Bellen, Vim Yapan kaiba si Marx Lopez; an iskolar kan literaturang Bikolnon, si Dr. Doods Santos kan De La Salle university asin an saiyang agom na si Atty. Sol Santos, kaiba man ninda sinda Ma’am France Clavecilla asin Jo Vicente-Angeles; sinda Marne Kilates, Jun Balde, Dan Pinto asin iba pang mga pag-iriba; kaiba man an mga representante kan UP Catandungan na sinda Nikkie del Agua asin Charlyn Gurobat; an UP Ibalon na sa pangengenot kan Nagueñong si Jake Tabora, na dakol an mga kairibang nag-arabot; an Masbateñong miyembro kan UP Singing Ambassadors na si John Ontog na nag-awit nin duwang kansiyon Bikolnon; yaon man sinda Ma’am Rose Enerio kan Sorsogon na nagdeliver nin osipon pang-aki, asin Engr. Belinda Sevalla na nagtigsik; nag-arabot man an mga orog na hoben na mga parasurat, sinda Kristian Cordero (Ikaduwang premyo, Palanca 2006, maikling kuwento), an saiyang pinsan na si Sonny Sendon, asin yaon man an reyna kan non-fiction sa Bikol na si Maryanne Moll; siring man, nakaabot man, minsan ngani bako man mga Bikolano, sinda Prof. Joey Baquiran asin an bantog na fictionist na si Charlson Ong; asin yaon man an sakong padangat asin taga-suporta, si Marvi Torres.

Dakulang pasasalamat ki Prof. Vim Nadera kan Likhaan: UP Institute of Creative Writing sa pag-pahunod na sa Bikol writers na an August 15 kan Conspiwriters Tuesday, asin mabalos man ki Tiyo Pablo Reyes, an resident videographer kan ICW, sa pagkua niya nin video kan Kabanggihan. Mabalos man sa mga kagrogaring kan Conspiracy Café, ki Conrad de Quiros asin pag-iriba. Salamat man sa pag-mention niya sa Kabanggihan sa saiyang PDI column. Salamat man duman sa an mga boot boot man mag-abot alagad may mga kaulangan. Kaiba kamo sa samong selebrasyon.

Sa gabos, sa mga dai nabanggit, Dios mabalos! Hanggang sa liwat!

3 saw it:

Rizaldy Manrique said...

congrats, vic! naoogma ako para sa gabos na amigo/amiga sa manila na pigtutulod an literaturang bikolnon!

a n i n g said...

baka pwede mapost ang video sa youtube? para garu man lang kami nakaabut sa kabanggihan..

Makuapo said...

ki manoy aldy, maogma manoy, maogma. arog na sana kayan, mayo nang iba pang paagi. maogma an kabanggihan.

ki aning, dai ko pa kaya naka-capture si video, ta nasa naga ako ngunyan. when i get back to QC, tataposon ko na yan. then post ta sa youtube.