Wednesday, August 09, 2006

Odto





Katoninongan, hade kan odto,
an banwa man nagpapahingalo.
An piyon nagpundo sa pagpukpok,
naghangos na garo daing ontok.
An odto man padusa sa kalag―
hilnga na’n daghan garo naukag—
pitong ribong matang natutungka,
minuklat, halat, odtong bareta.
Kaya daing palad an magturog,
an sa odto dai minatindog;
huli ta an odto panong rarom,
tanda sa paghapon, sa pagdiklom.
O Dios, palagpas na ining odto,
pahilngan samo sunod ming gibo.

0 saw it: