Awit sa Anghel

Text: Victor Dennis T. Nierva
Music: Jireh S. Pasano




I.
Ipirong na an simong mga mata,
an puso mo ipahingalo na,
ta nagrararom na ining pagkabanggi,
abang ugmang aldaw an nakaagi.

II.
Saaga na ipadagos an pagkawat,
an simong mga hapot pati harakhatak.
Tuninong na an saimong palibot,
Tatamungan taka, kukuguson sa lipot.

Refrain.
Anghel ko na labi ka-padangat,
itiklop na an simong mga pakpak.
I-untok nguna an saimong paglupad.
Pagmata kan saldang satong itutugkad.

O, Anghel ko na labi ka-padangat,
magturog nang may ngirit na walat.
Ika an pagkaaga, ika an kaugmahan,
Pagturog mo sakong babantayan.

III.
Halion an gabos na handal o takot.
Anuman na ribaraw dai ko itutugot.
Saimo an gabos, an bilog na kinaban,
mantang ako saimong kaibahan.

Turog na.

Comments

Popular Posts